سەردێڕی هەواڵ
Home / هەواڵەکان / داهاتی دەروازە سنورییەکانی عێراق لە مانگێکدا ئاشکرا دەکرێت…

داهاتی دەروازە سنورییەکانی عێراق لە مانگێکدا ئاشکرا دەکرێت…

دەستەی دەروازە سنورییەکانی عێراق ڕایگەیاند، کۆی گشتی داهاتی مانگی ڕابردووی دەروازە سنورییەکان زیاتر لە ١٠٧ ملیار دیناری عێراقی بووە.

لە بەیاننامەیەک دەستەی دەروازە سنوریەکانی عێراق بڵاوی کردەوە ، کۆی گشتی داهاتی مانگی ٨ ی ئەمساڵ زیاتر لە ١٠٧ ملیار و ٢٦٩ ملیۆن و ٤١٨ هەزار و ٥٠٠ دینار بووە ئەوەش بەهۆی ڕێکارەکانی خۆپارێزی لە ڤایرۆسی کۆرۆناوە لە کۆی ٢١ دەروازە تەنها ١٠ دەروازە داهاتیان هەبووە.

داهاتی دەروازە سنورییەکان لە مانگی ٧ ئەمساڵدا ١٠ ملیار دینار بووە

ئاماژەی بەوەش کردووە ، داهاتی دەروازە سنورییەکان لە مانگی ٧ ئەمساڵدا ١٠ ملیار دینار بووە و لەمساڵدا بە ڕێژەیەکی باش ڕووی لە زیادبوون کردووە.

دوێنێش لە بەیاننامەیەکدا دەستەی گشتی گومرگەکانی عێراق بڵاوی کردەوە ، سەرەڕای ناتەواوی بارودۆخی کارکردن و ئەو بەربەستانەی بەهۆی بڵاوبوونەوەی ڤایرۆسی کۆرۆناوە درووست بوون ، مانگی ڕابردوو کۆی گشتی داهاتی خاڵە سنوریەکان ٨٦ ملیار دینار بووە.

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *