ژووری بازرگانی و پیشەسازی هەڵەبجە Halabja Chamber
عێراق و سعودیە ئامادەیی خۆیان دەردەبڕن بۆ کردنەوەی دەروازەی سنووری (عەرعەر) کە تاکە دەروازەی سنوورییە لەنێوان عێراق و وڵاتانی کەنداو.
عومەر وائیلی، سەرۆكی دەستەی دەروازە سنوورییەکانی عێراق و عەبدولعەزیز شمەری باڵیۆزی سعودییە لە عێراق بەمەبەستی ئاڵوگۆری بازرگانی تاوتوێیان لەبارەی ئامادەکارییەکانیان بۆ کردنەوەی سنووری نێوان هەردوو وڵاتدا کرد.
سعودیە و عێراق مانگی تەمووزی رابردوو رێککەوتنیان لەسەر کردنەوەی دەروازەی سنووری عەرعەر بەرووی ئاڵوگۆڕی بازرگانییدا ئەنجامدا، لە ئەنجامی کۆبوونەوەی سەرۆکی دەستەی دەروازە سنوورییەکانی عێراق و باڵیۆزی سعودییە لە عێراق، ئامادەکارییەکان بۆ کردنەوەی دەروازەی سنووری عەرعەر بەرووی بازرگانیدا دەستیپێکردووە
عومەر وائیلی، سەرۆکی دەستەی دەروازە سنورییەکانی عێراق وتی “کردنەوەی دەروازەی سنووری عەرعەر بەرووی ئاڵوگۆڕی بازرگانییدا لە چەند رۆژی داهاتودا، سودی ئابوریی بۆ هەردوو وڵات دەبێت و هەنگاوی خێرای بەدوادا دێت بەمەبەستی ئەنجامدانی حەج و عومرە”.
