ژووری بازرگانی و پیشەسازی هەڵەبجە Halabja Chamber
غالب محەمەد پەرلەمانتاری کورد لە پەرلەمانی عێراق
لە ئێستادا جیهان ڕۆژانە پێویستی بە ٩٦ ملیۆن بەرمیل نەوت هەیە، لەم ژمارەیەش زیاتر لە ٣ ملیۆن بەرمیل نەوت لە عێراق دەکڕن . تا ئێستا نازانرێت ئایا پرسی گەمارۆکە نەوتیش دەگرێتەوە ، یان نا،بەڵام ئەگەر گەمارۆکە نەوت بگرێتەوە و کەس نەوتی عێراق نەکڕێت ئەوە باروودۆخی عێراق زۆر خراپ دەبێت ، چونکە ساڵی ڕابردوو بودجەی عێراق ٩٣ ترلیۆن دیناری لە فرۆشتنی نەوت دەست کەووتووە و تەنیا ١١ ترلیۆن دیناریشی لە داهاتەکانی دیکە دەست کەوتووە ، کە ئەم ١١ ترلیۆن دینارە بەشی وەزارەتی کارەبا ناکات .
وڵاتی چین بەم دواییە چەند گرێبەستێکی درێژخایەنی لەگەڵ حکوومەتی عێراق کردووە و بەڵێنی ئەوەیداوە ، ئەگەر هاتوو ئەمریکا گەمارۆ بخاتە سەر عێراق ئەوە ئەوان وەک وڵاتی چین هاوکاری عێراق بن و مامەڵە لەگەڵ عێراق بکەن
