ژووری بازرگانی و پیشەسازی هەڵەبجە وەک ئەندام لە یەکێتی ژوورەکانی بازرگانی عێراق پەسەند کرا …..

ڕێکەوتی ٢٠٢٤/٢/٢٩ یەکێتی ژوورە بازرگانییەکانی عێراق کۆبوونەوەی ئاسایی خۆی لە شاری بەغداد ئەنجام دا ، تیایدا گفتوگۆ سەبارەت بە وەرگرتنی ژووری بازرگانی و پیشەسازی هەڵەبجە وەک ئەندام لە یەکێتی ناوبراودا کرا و بە زۆرینەی دەنگ بە ئەندام بوونی ژووری بازرگانی و پیشەسازی هەڵەبجە لە یەکێتی ژوورەکانی بازرگانی عێراق پەسەند کرا .

وێڕای پیرۆزبایمان لەسەرجەم بازرگانان و ئەندامانی ژووری بازرگانی و پیشەسازی هەڵەبجە سوپاسی هەوڵ و ماندووبونی سەرجەم ئەو بەڕێزانە دەکەین کە لە بەجێ گەیاندنی ئەم هەنگاوە گرنگە هاوکاری ژووری بازرگانی هەڵەبجە بوون.